Mini-Virmëttes-Seminairen

Infos an Umeldung op: seminaire@dlj.lu

1. Wéi kéint ech mam Fëmmen ophaalen ?

Mëttwoch, den 3. Abrëll 2019 vun 10-12 Auer

Zesumme mat der Fondation Cancer bidd den DLJ dëse Seminaire am Kader vun der betriblecher Gesondheetsförderung exklusiv fir Persounen déi selwer fëmmen un.
Et geet drëms, Motivatioun ze fannen, fir eng Kéier mam Fëmmen opzehalen. Ofschléissend wäert déi Thematik «Fëmmen am Jugendhaus / an der Jugendstruktur» am Kader vun der Gruppen-Diskussioun opgegraff ginn.
SPROOCH : lëtzebuergesch
Umeldung: bis den 31. Mäerz 2019

Flyer hei eroflueden

2. Wéi kann ech mäi perséinlecht Kriibsrisiko miniméieren ?

Dënschdeg, den 4. Juni 2019 vun 10-12 Auer

Zesumme mat der Fondation Cancer bidd den DLJ dëse Seminaire am Kader vun der betriblecher Gesondheetsförderung un.
Et geet drëms, sech iwwert seng perséinlech Liewensweis Gedanken ze maachen am Hibléck op déi eege Gesondheet.
Ofschléissend wäert am Kader vun der Gruppen-Diskussioun déi Thematik am Hibléck op d’Jugendaarbecht an der Jugendstruktur resp. am Jugendhaus opgegraff ginn.
SPROOCH: lëtzebuergesch

 

3. « No risk no fun – Risikokompetenz in der Jugendarbeit »

Donneschdeg, den 13. Juni 2019 vun 10-12 Auer
Zesumme mam CePT bidd den DLJ de Seminaire « No risk no fun – Risikokompetenz in der Jugendarbeit » un, mam Zil, fachlech an inhaltlech am Hibléck op eng suchtpräventiv Jugendaarbecht ze stäerken.
SPROOCH : lëtzebuergesch

4. Cannabis Legaliséierung

Donneschdeg, den 10. Oktober 2019 vun 10-12 Auer
Zesumme mam CePT bidd den DLJ de Seminaire « Cannabis Legaliséierung – eine Herausforderung für die Jugendarbeit » un, fir sech gemeinsam iwwer Jugendaarbecht no enger eventueller Legaliséierung vu Cannabis-Konsum auszetauschen. Zil ass et, mat de Jugendstrukturen Propositioune fir en Ëmgang mat der Thematik Cannabis an der Jugendaarbecht auszeschaffen.
SPROOCH : lëtzebuergesch

5. Présentatioun Wunnégshëllef

Mëttwoch, den 6. November 2019 vun 10-12 Auer
Zesumme mat der Wunnéngshëllef a.s.b.l. an där den DLJ säit dësem Joer als Daachverband Member fir all Jugendhaus ass, bidde mir eng
Informatiounsséance iwwert déi verschidde Servicer vun der Wunnéngshëllef un.
Zil ass et, Professionellen aus de Jugendhaiser, d’Méiglechkeet ze ginn, ënnert bestëmmte Bedingungen, op d’Hëllefsoffere vun der Wunnéngshëllef zréckzegräifen fir jonk Erwuessener a Wunnéngsnout z’ënnerstëtzen.
De JugendaarbechterInnen ginn déi konkret Démarche virgestallt, wéi si hir Jonk am Hibléck op d’Wunnéngshëllef ënnerstëtze kënnen.
WICHTEG: D’Participatioun un dëser Informatiounsséance ass obligatoresch, fir kënne vun den Offere vun der Wunnéngshëllef ze profitéieren
SPROOCH : lëtzebuergesch

6. Gewaltpräventioun an de Jugendstrukturen

Freideg, den 22. November vun 10-12 Auer

Zesumme mat der Phoenix a.s.bl. bidd den DLJ dëse Seminaire am Kader vun der Gewaltpräventioun an de Jugendstrukturen un.
Inhaltlech geet et ëm eng gewaltpräventiv Approche an der Jugendaarbecht a wéi d’Stëmmung an der Jugendstrukur duerch d’Haltung vun der/dem JugendaarbechterIn beaflosst gëtt.
SPROOCH : lëtzebuergesch